Umuhanzi M.Augustin Bella akomeje kwesa imihigo muri muzika nyarwanda

Umuhanzi M.Augustin Bella watangiye umuziki mu mpera zo muri 2023, akomeje guca agahigo.

Uyu muhanzi watangiye umuziki muri 2023,yashyize kumugaragaro indirimbo ye ya mbere ku itariki 24 Ukwakira 2023, iyo ndirimbo yitwa “Shimwa Mwami w’Amahoro”.

Augustin Bella uyu munsi ku itariki 8 Gashyantare 2024,yakoze agashya ko gukora amashusho y’indirimbo enye icyarimwe ni zimwe mu ndirimbo zigize umuzingo we wa mbere w’indirimbo ze cumi n’eshanu. Yakoze amashusho adasanzwe I Nyanza mu Rukari ku gicumbi cy’umuco Ibwami izo ndirimbo yafatiye amashusho ebyiri zikoze mu njyana ya gakondo n’ebyiri zikoze mu njyana zijyanye n’injyana igezweho.

Mu ndirimbo ebyiri yakoze mu njyana ya gakondo arizo “Nzakomeza ngukunde na Muhe impundu” mu mashusho yazo yifashishije itorero “YIM” rikorera mu ka Ruhango, naho mu ndirimbo zikoze mu njyana igezweho ni “Utetse i Jabiro na Umukiza udukunda” muri zo yifashishije abanyamideli,abakorobasi n’abandi,…

M. Augustin Bella ufite ibakwe ryinshi mu muziki we bitewe n’uko ari umwe mu bahanzi bacye bakoze indirimbo mu buryo bw’amajwi bagahita banazikorera amashusho mu gihe gito.

Uyu muhanzi umaze gushyira kuri YouTube ye indirimbo 15 zikoze mu buryo bw’amajwi harimo enye zakorewe amashusho mu kiganiro gito twagiranye yavuze ko intego ye ari ugukora atikoresheje asoza asaba abakunzi be kureba indirimbo ze kuri YouTube ye M.Augustin Bella bakemeza kumukurikira,gukunda ndetse bakamuha n’ibitecyerezo.

Kandi hano urebe indirimbo z’umuhanzi M.Augustin Bella