Ukunganya ku ikipe ya Manchester United gukurikirikiwe n’indi nkuru y’agahinda

Ku gicamunsi cyo kuri uyu wa gatandatu nibwo i Anfield ku kibuga cya Liverpool, ikipe ya Manchester United yanganyaga na Liverpool ubusa kubundi, mu mukino wakomereye bikomeye umutoza Jose Mourinho nkuko yabyitangarije, ubwo mukeba wa Manchester United, Manchester City yatsindaga ibitego 7-2 igahita inafata umwanya wa mbere kuburyo budasubirwaho. Ibyago bya Manchester United ntibyaje kurangirira aho kuko n’abakinnyi biyi kipe bari mu mvune bakomeje kuremba.

Amakuru dukesha ikinyamakuru The Telegraph aravuga ko imvune ya Marouane Fellaini yiyongereye igihe azamara hanze bitewe nuko yaje gutsikira agiye kwinjira mu modoka ye, bigasaba ko baza kongera kumubaga kugirango bamuvure. Bikaba biri kuvugwa ko ku gihe yari kuzamara hanze hashobora kwiyongeraho indi minsi. Abaganga ba Manchester United bakaba bari buze gutangaza igihe ndasubirwaho uyu musore azamara hanze.