Udushya dukomeje kuba twinshi muri ruhago y’i Nyarugenge! Mu cyumweru kimwe gusa, umukinnyi yakinanye amapingu, none ubu abandi bacenganye mu kibuga babisikana n’inka

Mu mukino wahuje Miroplast na Impeesa, wagaragayemo agashya ubwo abashumba bagiye kuragira babisikana n’abatoza bari guha abakinnyi amabwiriza, inka zirisha zinyuranamo n’abakinnyi bashaka ibitego.

Uyu mukino warangiye Miroplast itsinze Impeesa ibitego 4-0 ku munsi wa 20 wa shampiyona y’icyiciro cya kabiri.

Mu cyumweru kimwe gusa, nabwo umukinnyi wa Fatima WFC akinanye amapingu nyuma yo gushaka kurwanya abashinzwe umutekano, none ubu abandi bacenze inka muri shampiyona yo ku rwego rw’igihugu.