Titi Brown yasubije abakomeje kumwandikira bamusaba ko yajya kurega umukobwa wamufungishije bikaza kurangira agizwe umwere nyuma y’imyaka 2 ari muri gereza

Umubyinnyi Ishimwe Thiery wamamaye nka Titi Brown, yasubije abantu bose bakomeje kumwakira bamusaba ko yajya gufungisha umukobwa wamureze amubeshyera ko yamuteye inda.

Nyuma yo kumara imyaka 2 afungiwe muri gereza akaza kugirwa umwere, yavuze ko yamaze kubabarira uwo mukobwa ndetse ko atamwifuriza kujya muri gereza kuko yabonye ububi bwaho.

Ati “Hari abantu banyandikiye bambwira ko nafungisha uriya mukobwa. Njyewe ikintu nabwira abantu ni uko guhora ni ukw’Imana. Njye nta mutima mubi. Hagati aho naramubabariye, nk’umuntu wabonye ubuzima bwa hariya ntabwo nakwifuriza undi muntu kujyayo.”