HARAGIRIMANA Dieudonne
Mu ntangiriro z’uyu mwaka ubwo umuhanzi The Ben yari mu Rwanda aho yaraje gutaramira abanyarwanda muri EAST AFRICAN PARTY 2017 yakoranye indirimbo n’abahanzi batandukanye yaba ari hano mu Rwanda ndetse no hanze yarwo harimo umuhanzikazi Marina. Muri uko gukorana indirimbo kwa The Ben na Marina hari abavuga ko byaje kuvamo umubano udasanzwe aho umwe yatangiye kumva bitarangirira aho ahubwo bagirana umubano wihariye.
Uncle Austin wahuje Marina na The Ben ngo bakorane indirimbo, yavuze ko ibivugwa hanze ntaho bihuriye n’ukuri. Ati “Marina ni umuhanzikazi muto ukeneye ibikorwa biremereye. Kuba yarakoranye na The Ben ntibyakabyajwemo ibindi bintu. Ahubwo bakishimiye ikizavamo”.
Ku rukundo ruvugwa hagati yabo, yagize ati “Nta rukundo ruhari. Ari ibyo The Ben yifotoranyije n’abakobwa batandukanye mu Rwanda sinzi impamvu bahisemo Marina”.
Iyi nkuru y’urukundo rwa The Ben na Marina, rushimangirwa na Edsha wahoze akundana n’uyu mukobwa. Avuga ko kuva aho The Ben ahuriye na Marina umubano wabo wahise uhagarara. Marina abicishije ku rukuta rwe rwa Instagram yakomeje kuvugisha benshi bitewe n’amagambo yandika ashobora kuba aca amarenga y’urukundo rwe na The Ben.
Source: umuseke.rw
