Safi Madiba yageneye ubutumwa abakunzi be nyuma yo gusanga yaranduye COVID19.

Umuhanzi Safi Madiba yatangaje ko yanduye icyorezo cya Coronavirus, aboneraho guha ubutumwa abakunzi be n’abandi muri rusange bwo gukaza ingamba zo kwirinda.

Safi usigaye aba muri Canada, abinyujije ku rukuta rwe rwa Instagram yatangaje ko yanduye Covid-19, avuga ko iki cyorezo kiriho asaba n’abantu kubahiriza amabwiriza y’inzego z’ubuzima. Ati “Ni ukwitonda.”

Ubutumwa yashyize ku rukuta rwe rwa Instagram, bugaragaza ibisubizo byo kwa muganga, bivuga ko “Safi yanduye COVID-19, agomba guhita yishyira mu kato ako kanya”.

Muri Canada aho uyu musore asigaye aba hamaze kwandura abantu 255.809 mu gihe abapfuye bo ari 10.436.

Yanduye iki cyorezo nyuma y’iminsi mike ashyize hanze indirimbo nshya yise Sound.