Rubavu: Sekidende birukanye mu nzu, yahisemo guhima akagari ke akora ibigahesha ikimwaro

Umukambwe witwa Sekidende Hamisi kuri ubu  amaze iminsi itatu aryama imbere y’akagari ka Mbugangari avuga ko adafite aho aba ni nyuma yuko asohowe mu nzu ye igatezwa cyamunara.

Sekidende avuga ko urukiko rutigeze rumutandukanya n’umugore we bashakanye mu mwaka wa 1987 ndetse ngo abayobozi bamubwiye ko nta nyandiko zigaragaza ko bashakanye kandi zihari.

Uyu musaza yavuze ko we n’uyu mugore we bubakanye amazu ariko Kuwa Gatanu w’icyumweru gishize,nibwo umuhesha w’inkiko yazanye na Polisi bamusohora mu nzu yabagamo.