Perezida Paul Kagame yarebye umukino wa Arsenal kuri Emirates Stadium

Perezida Paul Kagame yarebye umukino Arsenal yanganyijemo na Tottenham Hotspur ibitego 2-2 ku Cyumweru tariki 24 Nzeri 2023 kuri Emirates Stadium.

Uyu mukino w’abakeba bo mu Majyarugu y’Umujyi wa Londres wari uw’umunsi wa gatandatu wa Shampiyona y’u Bwongereza. Ni umukino buri mukunzi w’amakipe yombi aba yifuza kubera ihangana riba riwurimo.

Perezida Kagame yagaragaye ari kumwe na Nwankwo Kanu wakiniye Arsenal kuva 1999 kugeza mu 2004 n’umugore we Amara Kanu.

Iminota 90 y’umukino yarangiye amakipe yombi anganya ibitego 2-2, aho Tottenham yatsindaga yishyura igitego Christian Romero yitsinze n’ikindi cya penaliti yatsinzwe neza na Bukayo Saka. Tottenham yatsindiwe na Heung Min Son.

Perezida Kagame yakurikiye uyu mukino nyuma y’iminsi mike yari amaze i New York muri Leta Zunze Ubumwe za Amerika aho yitabiriye Inama y’Inteko Rusange ya Loni.