Muzehe Pele utorohewe n’ubuzima yagize icyo asaba abamukunda!

Edson Arants do Nascimento wamenyekanye nka Pele akaba yarabaye umukinnyi ufatwa nk’uwambere ku isi yasabye abafana be kwihangana bagatuza kuko ngo arakomeye.

Pele w’imyaka 82 y’amavuko akaba Umunyabigwi wa ruhago y’isi yajyanywe mu bitaro mu ntangiriro ziki cyumweru kubera ibibazo by’indwara by’ubuhumekero.
Pele abinyujije ku rukuta rwe rwa Instagram yanditse ati ” Ndakomeye,Kandi mfite icyizere kuko ndi kuvurwa neza.”

“Mfite icyizere cyinshi mu Mana kandi ubutumwa bwose nakiriye bw’urukundo bubaturutseho bwatumye kwiyumvamo imbaraga.”

Muzehe Pele yabaye umukinnyi ukomeye wa Brazil kuko yatwaye Ibikombe by’isi bitatu na Brazil harimo icyo mu 1958,1962 ndetse n’icyo mu 1970 kandi Pele ubu niwe mukinnyi watsindiye Brazil Ibitego by’ishi aho yatsinze ibitego 77 mu mikino 92 yakinnye.