Mutabare: DJ Brianne yanze urunuka umuhanzi Social Mula

Gateka Brianne uzwi nka DJ Brianne umaze igihe kirengaho gato ukwezi ari ku mugabane w’i Burayi yavuze ingorane yahuye nazo mw’ijoro risoza umwaka wa 2022 ndetse yikoma bikomeye umuhanzi Social Mula, avuga ko ntaho yifuza kuzongera guhurira nawe mu buzima.

Mu butumwa yatambukije ku mbuga nkoranyambaga, DJ Brianne yagize ati:” Mu gahinda kenshi n’amarira menshi nandikanye ibi, Imana izambabarire sinzagire ibintu cyangwa ikintu nongera guhuriramo n’umuhanzi Social Mula…(…)… Iri joro rya tariki 31 Ukuboza 2022 ryambereye ribi cyane, nzapfa ntaryibagiwe, mwa bantu mwe iyo hatabaho Imana ikidushyizeho amaboko ngo ngire King Pazzo wamfashije, mwari kuzumva ngo DJ Brianne yarabuze cyangwa yarapfuye.

Yakomeje avuga ko ibindi ku byamubayeho azabitangaza mu minsi ya vuba akomeza anavuga ko ubundi atari bujyane na Social Mula, atazi uburyo byakozwe kugira ngo bajyane.

DJ Brianne na Social Mula berekeje i Burayi taliki 25 Ugushyingo 2022, bitanganyijwe ko azataha mu Rwanda hagati ya tariki 5 na 10 Mutarama 2023 nyuma yo gukorera ibitaramo mu Bufaransa, Ubudage, Poland na Sweden.

Umuhanzi Social Mula ntacyo yigeze atangaza kuri aya makuru, nagira icyo abivugaho tuzabamenyesha.