Miss Uwicyeza Pamela yateye imitoma umugabo we The Ben bari kwitegura gukora ubukwe

Uwicyeza Pamella yateye imitoma umugabo we, Mugisha Benjamin uzwi nka The Ben uherutse kumuha imodoka nshya ya Range Rover.

Mu magambo yuje urukundo, Uwicyeza yagereranyije umugabo we n’ikiremwa gitangaje, anavuga ko ari umugisha ku bantu bose nk’uko izina rye ribivuga.

Yagize Ati “Mugisha, mbega ukuntu uri umugisha! Uri inyenyeri imurika cyane, uri umutsinzi, nk’uko izina ryawe ribivuga uri umugisha ku bantu bose bagukikije, dufite amahirwe yo kugira umumalayika ku Isi.”

“Untera ishema cyane kandi ndagukunda cyane birushaho kwiyongera buri munsi, uri ikiremwa gitangaje, witaweho kandi urakunzwe n’Ushoborabyose, Ndagusabye komeza ugira uwo mutima wawe mwiza.”