Social Mula
Myugariro wo ku ruhande rw’iburyo mu Ikipe y’Igihugu Amavubi, Serumogo Ally Omar yamaze kugaruka mu myitozo ya Kiyovu Sports mbere y’iminsi micye ngo bacakirane na mucyeba Rayon Sports.
Uyu myugariro yari amaze igihe yarivumvuye kubera ko hari amafaranga Kiyovu Sports yari imubereyemo, ariko yamaze kuyamuha agaruka mu myitozo.
Amakuru ahari ni uko ubuyobozi bwa Kiyovu Sports buri gukora ibishoboka byose iyi kipe ikazabona amanota atatu kuri Rayon Sports mu mpera z’iki cyumweru ubwo amakipe yombi azaba akina umunsi wa 18 wa shampiyona y’Icyiciro cya Mbere.
Rayon Sports itozwa na Haringingo Francis Christian iri ku mwanya wa kane n’amanota 32, mu gihe Kiyovu Sports itozwa na Mateso Jean de Dieu yo iri ku mwanya wa gatanu n’amanota 31.
