HARAGIRIMANA Dieudonne
Nyuma y’uko Diamond Platnumz na Zuchu beruye ko bari mu rukundo, kuri ubu nyina wa Diamond Platnumz yamaze guha umugisha urukundo rw’aba bombi amurutsiha abandi bakobwa beza bigeze gukundana na we.
Sanura Kasim, nyina wa Diamond, yahaye umugisha urukundo rwabo, ubwo yifurizaga Zuchu isabukuru nziza y’amavuko.
Ati “Nkwifurije kurambana imigisha myinshi mukazana wanjye Zuchu”.
Ibinyamakuru byo muri Tanzaniya byatangaje ko nyuma y’amagambo ya nyina wa Diamond kuri Zuchu agaragaza amahirwe adasanzwe uyu mukobwa agize mu rukundo rwe na Diamond, cyane ko abandi bakobwa bose bakundanye na Diamond batigeze bishimirwa n’uyu mubyeyi.
