Kayonza: Umugabo yanyweye umuti wica ibisimba birangira apfuye kubera umugore we

Umugabo w’imyaka 24 wo mu Karere ka Kayonza yiyahuye akoresheje umuti wica ibirondwe nyuma yo gusigwa n’umugore we bari barashakanye mu buryo butemewe n’amategeko bakaza kugirana ibibazo by’amakimbirane.

Ibi byabereye ku wa Kane tariki ya 12 Mutarama 2023 mu Kagari ka Juru mu Murenge wa Gahini.

Amakuru avuga ko uyu mugabo yari amaze umwaka urenga abana n’umugore we w’imyaka 25 ariko ngo ntibigeze babona urubyaro, ibi ngo biri mu byatumaga bahorana amakimbirane kugeza ubwo umugore yaje kubirambirwa ahitamo kwitahira aramusiga.