HARAGIRIMANA Dieudonne
Rutahizamu wa PSG,Neymar Jr usanzwe azwiho gukora udushya, yashyize ku mutwe we imisatsi miremire y’umuhondo bituma abatari bacye ku mbuga nkoranyambaga bacika ururondogoro.
Aya mafoto y’uyu mukinnyi yashyizwe hanze n’uwitwa Nanda Burguesinha wamushyizeho iyi misatsi mbere y’uko agaruka mu Bufaransa mu myitozo.
Nyuma yo kumuhindura uko yagaragaraga, Nanda Burguesinha yagize ati “Namubajije ibyo yifuza tuza kumvikana ku misatsi ashaka. Twamaze amasaha 4 tumwitaho”.
Abakunzi ba Neymar benshi nyuma yo kwishyiraho iyi misatsi bamugereranyije n’abahanzi barimo Ty Dolla Sign, Wiz Khalifa na Bob Marley. Neymar yaherukaga kuvugisha abatari bacye mu ntangiriro z’umwaka ushize ubwo yashyiraga mu musatsi we ibara rya pink.
