Intambara y’amagambo ikomeje kujya mbere, kuri iyi nshuro umuvugizi wa Rayon Sports yihimuye kuri KNC agereranya ikipe ye n’igare 

Intambara y’amagambo Rayon Sports izakira Gasogi United mu mukino uteganyijwe ku wa Gatanu, tariki ya 23 Ukuboza 2022, saa kumi n’ebyiri kuri Stade ya Kigali i Nyamirambo.

Mu gihe habura iminsi itageze kuri ibiri ngo uyu mukino ube, imihigo no kwivuga imyato ni byose ku mpande zombi.

Ku wa Kabiri, Perezida wa Gasogi United, KNC yavuze ko batsinzwe na Rayon Sports baba basekeje.

Umuvugizi wa Rayon Sports, Nkurunziza Jean Paul yagize ati:”Gasogi United yasekeje kera iba ikipe y’agasozi. Kuyigereranya na Rayon Sports ni nko kugereranya igare na rumoroki. Umunyonzi yitendeka ku ikamyo, yaminuka umusozi akibeshya ko bagereyeyo rimwe.”