Social Mula
Umukinnyi wakiniye ikipe ya APR FC igihe kinini, Buteera Andrew ari mu gahinda gakomeye nyuma yo gupfusha Papa we umubyara.
Ku mugoroba wo kuri uyu wa Mbere tariki 21 Ugushyingo 2022, nibwo umunyamakuru w’imikino Bigirimana Augustin bakunze kwita Guss yatangaje amakuru y’uko Buteera Andrew yabuze Se umubyara.
Kugeza ubu ntabwo hari hamenyekana indwara yahitanye umubyeyi wa Buteera Andrew w’imyaka 28 y’amavuko.
Buteera Andrew yabonye izuba tariki 3 Ukwakira 1994 avukira i Kampala muri Uganda, yakiniye amakipe arimo Proline FC yo muri Uganda, APR FC na AS Kigali.
Uyu mukinnyi wabaye muri APR FC imyaka ikabakaba 10 yanakiniye Ikipe y’Igihugu y’u Rwanda ‘Amavubi’.
