Philcollens
Impinduka zikomeye kuri Shampiyona y’u Rwanda kubera ikipe ya Rayon Sports
Muri iyi wikendi igiye kuza, Shampiyona y’icyiciro cya mbere hano mu Rwanda irakomeza amakipe yesurana ariko arimo Rayon Sports na APR FC ntabwo zizakina iyi mikino.
Ikipe ya Rayon Sports na APR FC zirimo gukina imikino nyafurika harimo CAF Confederations Cup ndetse na CAF Champions League irimo gukinwa na APR FC. Izi kipe zombi zifite imikino muri iyi wikendi.
Amakuru ahari avuga ko imikino ya shampiyona igomba kuba muri iyi wikendi hajemo impinduka. Umukino wagombaga guhuza ikipe ya Kiyovu Sports na Gorilla FC kuri uyu wa gatandatu wimuriwe ku munsi wo kuwa mbere w’icyumweru gitaha.
Impamvu uyu mukino wimuwe igitaraganya ni ukubera ko hakozwe igenzurwa hasangwa uyu mukino uhuriranye n’umukino ikipe ya Rayon Sports izakina n’ikipe ya Al Hilal Benghazi wo kwishyura wa CAF Confederations Cup hafatwa umwanzuro wo kuwimura.
