Ibyabaye ku mujura wibye televiziyo bizatuma atongera kwiba

Mu gihugu cya Kenya haravugwa inkuru itangaje y’umusore wibye televiziyo maze ikanga kumuva ku mutwe aho yamaze hafi iminsi 3 ayigendana mu mujyi hose ayikoreye.

Ukekwaho kwiba yatunguye abaturage ba Kakamega muri iki gihugu nyuma y’aho televiziyo yari yibye umucuruzi imufashe ku mutwe ntimuveho.
Uyu mucuruzi yibasiwe n’abajura bamwiba ibintu n’amafaranga bamuhatira gushaka umuganga w’umupfumu kugira ngo agarure ibintu byibwe.

Ntibyatinze, umwe mu bajura ni we wafashwe maze ananirwa kwikuraho televiziyo yari yamuheze ku mutwe.Amakuru avuga ko abaturage benshi bagaragaje ko ubujura bwakomeje kugaragara muri uyu mujyi bityo bakemeza ko nyir’inzu yafashe umwanzuro wo gushaka amarozi.

Icyakora, bamwe mu baturage bashimangiye ko ari umutego wo kureshya abantu gushaka serivisi z’umupfumu.