Epaphrodite Nsengimana
Muri iyi minsi hari kugaragara abantu benshi bakuze batigeze bakora ubukwe cyangwa ngo babyare, ibyo biterwa na byinshi harimo n’indwara isanzwe ihari yo gutinya gukora ubukwe yitwa “Gamophobia”.
“Gamophobia” rero ni indwara ishobora guturuka ku bintu byinshi bitandukanye harimo amajambo avuga nabi urushako, induru z’abubatse, kwahukana cyangwa izindi ngaruka mbi ziterwa n’ibifite aho bihuriye n’urushako.
Ku bagabo, hariho indwara ya Gynophobia ituma batinya abagore hamwe no kuvugisha icyiswe igitsina gore no kucyegera aba ari ikintu kigoye cyane. Iyo ndwara nayo ishobora kuba intandaro yo gutinya urushako (Gamophobia).
Bimwe mu bituma Gamophobia ikomeza kwiyongera, ni uko abantu bayifata nk’aho atari indwara, bakumva ko nta ngufu ifite. Gusa abantu benshi barwaye Gamophobia banga gushaka bakavuga ko nta bushobozi nk’urwitwazo.
