Hazajya harya uwiyushye akuya! Ibiciro by’ibiribwa ku masoko byikubye kabiri

Muri Argentine ikigo cy’igihugu cy’ibarurishamibare cyatangaje ko izamuka ry’ibiciro ryageze kuri 211% mu 2023 biba izamuka rya mbere rikomeye ribayeho mu binyacumi bitatu bishize.

Uburyo izamuka ry’ibiciro muri Argentine ryiyongera buri mwaka ryageze hejuru y’iryo muri Venezuela bwa mbere mu mateka, byatumye iki gihugu cyo muri Amerika y’Amajyepfo kiba icya mbere mu bihanganye n’izamuka rikabije ry’ibiciro.

Iri zamuka riri hejuru y’ubwikube kabiri bw’uko umwaka mu 2022 byari bimeze aho byari ku kigero cya 95%. Urebye kuri buri kwezi, izamuka ry’ibiciro mu Ukuboza byari 25.5% bivuye kuri 12.8% mu Ugushyingo.