Habaye impanuka y’imodoka itwara abagenzi hafi ya bose barakomereka umwe ahasiga ubuzima -Amafoto

Mu ntara y’amajyepfo mu karere ka Kamonyi, umurenge wa Gacurabwenge, hafi y’urwibutso kuri uyu wa Gatandatu tariki ya 9 Werurwe 2024 habereye impanuka y’imodoka zagonganye, umuntu umwe ahita apfa abandi 18 barakomereka bikomeye.

Iyo mpanuka yatewe n’imodoka ya Minibus yavaga i Kigali ijya i Muhanga yabuze Feri igonga Coaster irakomeza igonga ivatiri na yo igonga imodoka ya pickup yavaga i Muhanga yerekeza i Kigali.

Ushinzwe umutekano wo mu muhanda, SP Emmanuel Kayigi, yatangaje ko muri iyi mpanuka hagonganiyemo imodoka enye biturutse kuri iyo Minibus.