THIERRY Mugiraneza
Ishyirahamwe ry’umupira w’amaguru mu Rwanda (FERWAFA) ryatangaje ko risabye imbabazi abanyarwanda ndetse na Sudan ku kibazo cy’imirwano yabaye mu mikino wari wabahuje.
FERWAFA ibinyujije kuri Twitter yanditse ivugako isabye imbabazi ndetse ko izafatira ibihani bikwiye uwagize uruhare wese.
FERWAFA yanditse iti
“FERWAFA irasaba imbabazi mu izina ry’ikipe y’igihugu @AmavubiStars inshuti zacu za Sudan n’abanyarwanda bose muri rusange kubera imyitwarire idahwitse yagaragaye nyuma y’umukino wa gicuti wahuje u Rwanda na Sudan uyu munsi tariki 19.11.2022 kuri Stade ya Kigali.’
“Umubano uri hagati yacu na Sudan ntiwatokorwa n’ibyabaye ku mukino. Ibihano kuri iyo myitwarire bizafatwa uko bikwiye.”
Uyu mukino warangiye Amavubi atsinze igitego kimwe k’ubusa iba itsinzi ya mbere y’umutoza w’Amavubi Carlos Ferrer kuva yahabwa akazi ko gutoza Amavubi.
