in

Dore uko byari bimeze mu muhango wo kumurika Alubumu y’umuhanzi Gisele Precious witabye Imana agasiga uruhinja

Ku mugoroba wo kuri iki Cyumweru tariki 13 Ugushyingo 2022, abahanzi n’amakorari atandukanye aririmba indirimbo zo kuramya no guhimbaza Imana bahuriye mu gitaramo cyo kumurika Album ‘Imbaraga z’amasengesho’ y’umuhanzi Gisele Precious witabye Imana muri Nzeri 2022.

Ni igitaramo cyabereye muri Dove Hotel y’itorero rya ADEPR iherereye ku Gisozi ho mu Mujyi wa Kigali, ahasanzwe habera ibitaramo byinshi byo kuramya no guhimbaza Imana, ahanini ibitegurwa n’abahanzi ndetse n’Amakorari yo muri ADEPR.

Iki gitaramo cyiswe ‘An Evening Memory of Gisele Precious’ cyateguwe n’umuryango we ndetse n’inshuti ze, hagamijwe gushyira hanze Album ye y’indirimbo mu rwego rwo gukomeza gushyigikira umurimo we wo gukorera Imana yari akinyotewe mbere yo gutabaruka.

Kwinjira byari Ubuntu nk’uko byari byaratangajwe na mbere, icyakora umuntu yashoboraga gutanga inkunga ye ku bikorwa bya Nsabimana Gisele Precious n’umuryango we, aguze CD yariho izi ndirimbo cyangwa agatanga indi nkunga yihitiyemo.

Igitaramo cyatangiye i Saa Munani z’amanywa abaririmbyi basimburana ku rubyiniro n’abatangabuhamya barimo Se wa Gisele, Pasiteri Nsabimana Philippe, Umugabo we Niyonkuru Innocent n’abandi.

Written by Epaphrodite Nsengimana

I am responsible for this article, not the YEGOB website. Please contact me if you need more information about it: +250736426472

Subscribe
Notify of
guest
0 Comments
Inline Feedbacks
View all comments

“Agahinda karakanyagwa” videwo igaragaza abafana ba Rayon Sports bitangiriye itama yaciye ibintu ku mbuga nkoranyambaga

Amayeri aragwira, ku kibuga cy’indege umugabo yafashwe yahishe imbunda munda y’inkoko bimubana ibibazo(amafoto)