YegoB
Kuwa gatandatu ikipe ya Machester United yatsindiwe ku kibuga cyayo n’ikipe ya Manchester City y’umutoza Pep Guardiola, nkuko bisanzwe rero Mourinho akaba yarahise afatira ibyemezo bikaze abakinnyi bitwaye nabi kuri uwo mukino dore ko yanatangajeko kuba baratsinzwe nta ruhare abafitemo.
Nyuma yo gutsindwa na Man City Mourinho yatangajeko gutsindwa ntakindi cyabiteye uretse abakinnyi batakoze ibyo basabwaga ndetse n’imisifurire ngo itaragenze neza bikaba byari byitezwe rero ko Mourinho ahita ahana abakinnyi ashinja kuba intandaro yo gutsindwa na Man City.
Amakuru agera kuri Yegob.rw akaba rero yemeza koa abakinnyi babiri bari babanjemo kuri uriya mukino aribo Henrikh Mkhitaryan na Jesse Lingard abo bombi bahise asimburwa nyuma y’igice cya mbere, ubu rero ngo bakaba batazanabanzamo ku mukino wa Europa League uzahuza Man U na Feyeenord kuwa kane w’iki cyumweru.
Ku rundi ruhande umukinnyi Marcus Rashford umaze iminsi yitwara neza bikaba bivugwa ko azahembwa kubanza mu kibuga kuri uwo mukino wo kuwa kane.
