Dore abahanzikazi nyaRwanda barisha iturufu y’ikimero mu kwigwizaho abafana (amafoto)

Uko iminsi yicuma niko usanga abenshi mu bahanzi nyarwanda batera imbere ndetse bakanatungwa no kuririmba hari n’abemeza ko bamwe mu bahanzikazi nyarwanda batazi kuririmba ariko bakigwizaho abafana ku bw’ubwiza bwabo.

Akenshi iyo witabira ibitaramo bitandukanye hirya no hino mu gihugu,utungurwa no kubona hari abahanzikazi bagera kurubyiniro abitabiriye igitaramo ukagira ngo barabonekewe bitewe n’ibyishimo baba bamufitiye ugatungurwa kandi no kubona hari ugera kurubyiniro bamwe bagasohoka bakagaruka yururutse.

Ushobora kwibaza uti ese ibi byaba biterwa n’iki?Mu kiganiro Kigalihit.rw twagiranye n’abakurikiranira hafi muzika nyarwanda Nyamirambo mu mujyi wa Kigali bemeje ko biterwa n’ubwiza,imyifatire yo kurubyiniro  bamwe baba bafite hakiyongeraho ibihangano byabo.

Muhamedi  Rashidi yagize ati:”Ebana, umuhanzikazi udafite ubwiza ndetse ngo amenye gushyiramo ibirungo ntakigenda,nta ninyinya twamwereka”.

Kubwimana Aniane nawe yagize ati:”Kabisa bamwe mu bahanzikazi bazi kuririmba bakaba nabeza cyane bakanaryohereza  ababareba kurubyiniro no mu mavideo y’indirimbo zabo.”

Dufatiye urugero ku irushanwa rya Primus Guma Guma Super Star riba ryitabirwa n’umubare munini w’abahanzi ku mpande zombi,utungurwa no kubona hari umuhanzikazi ufite ibihangano bikoretse ariko yagera kurubyiniro akavugirizwa akamo boshye babonye umuvura kabuhariwe.

Hakaba n’ugera kurubyiniro nta n’igihangano azwimo agahabwa impundu umudiho ugataha ari nako babyigana bagamije kumukoraho ku bw’ubwiza bwe,imiterere y’umubiri n’uko yambaye bamwe bakabirazwa rukaburagica.

Uru ni urutonde rw’abahanzikazi bakunzwe cyane ku bw’ubwiza bwabo n’imyambarire kurubyiniro.

1.Alioni

2.Butera Knowless

3.Priscilla

4.Greta Gigi

5.Asinah

Aba ni bamwe mubahanzikazi nyarwanda umuntu yafatiraho urugero rwo kubyaza umusaruro impano yabo dore ko uretse amafaranga bahembwa nyuma yo kuririmba n’ayo bafatira kurubyiniro aba ari menshi.

source: kigalihit.rw