THIERRY Mugiraneza
Umutariyani Carlo Ancelloti utoza Real Madrid yasubije itangazamakuru ndetse n’abantu muri rusange bibaza niba byashoboka ko yajya gutoza ikipe y’igihugu ya Brazil.
Nyuma y’uko Brazil isezerewe na Croatia mu mikino y’igikombe cy’isi muri 1/4 bayitsinze kuri penaliti , nta kuzuyaza Adenor Leonardo Bacchi wamenyekanye nka Tite watoza Brazil yahise atangazwa ko urugendo rwe rwo kuva muri 2016 ari umutoza wa Brazil rihagarariyeho aho.
Nyuma y’uko Tite asezeye amakuru yatangiye kuba menshi yukya gutoza abahungu ba Brazil bazwi kwizina rya Samba Boys, amakuru akavuga ko Zidane, Pepe Guardiola cyangwa na Carlo Ancelloti yareka gutoza Real Madrid akajyayo.
Ubwo Ancelloti yari mu kiganiro n’itangamakuru yabajijwe niba bishoboka ko yazajya gutoza ikipe y’igihugu ya Brazil maze na we atajijiganyije ayo makuru ayamaganira kure ati ” Ntago mbizi,ntago nigeze mpamagarwa nabo cyangwa ngo ishyirahamwe ru’umupira w’amaguru muri Brazil ngo rinyegere. Ndashaka kuguma muri Real Madrid. Sinzigera nsaba Real Madrid kugenda”.
Muzehe Ancelloti w’imyaka 63 y’amavuko afatwa nk’umwe mu batoza ba ruhago isi yagize kuko uyu mugabo yatwaye Ibikombe bya Champions League bine harimo bibiri yatwaranye na AC Milan ndetse n’ibindi bibiri yatwaranye na Real Madrid. Ancelloti kandi afite agahigo ku kuba ariwe mutoza byibuze watwaye igikombe cya Championa muri Championa eshanu zikomeye i Burayi ni ukuvuga muri Espagne, Ubwongereza, Ubutariyani, Ubufaransa ndetse n’Ubudage.
