HARAGIRIMANA Dieudonne
Mu kiganiro umutoza wa Arsenal aherutse kugirana n’abanyamakuru yatangaje ko impamvu atarekura amafaranga aruko Arsenal ari ikigo gikoresha abakozi 600 bityo badapfa gukunda ko barekura amafaranga uko biboneye kuko abo bakozi bose bagomba guhembwa.
Umukozi ufana Arsenal akimara kumva ko impamvu Arsene Wenger atagura abakinnyi aruko agomba kwita ku bakozi b’ikipe yahise yandika ibaruwa igitaraganya yo gusezera ku kazi kugirango ahe umwanya n’amafaranga wenger agure abakinnyi.
Dore iyo baruwo uwo mukozi yanditse:
Tugenekereje mu magambo make,uyu mukozi yavuzeko byari iby’agaciro gukora mu ikipe afana ariko kubera urukundo akunda ikipe yemeye kwitwa umushomeri kugirango udufaranga duke twe bazatwongeranye bagure umukinnyi uzaza guhindura ibintu muri Arsenal bityo babe banagera ku gikombe bamaze imyaka irenga icumi bategereje.
Yashimangiyeko nubwo bwose umushahara we w’umwaka wose uwukubye incuro icumi aribyo Walcott ahembwa,yemeye kuwureka akajya gushaka ibindi akora ariko Arsene Wenger akunde agure abakinnyi bakomeye,ikipe ye itere imbere nkuko abafana babyifuza.
Yasoje agira ati ndizera ko nakoze neza akazi kange mwanshinze,nkaba nemeye kukavaho ntahandi ntegereje amakiriro ariko nkaba nizera ko muzamvuganira mu bundi buryo nacamo ncaka akandi kazi.
