HARAGIRIMANA Dieudonne
Umutoza Jose Mourinho ukunze kuvuga amagambo atari make, muri iki gitondo kuko tubikesha ikinyamakuru El confidential yatangaje amagambo atari meza, ndetse yatumye abafana b’ikipe ya Manchester United batangaza ko batishimiye na gato amagambo y’uyu mutoza wabo.
Mu busanzwe, aba bagabo bombi ntibacana uwaka( Cristiano Ronaldo na Jose Mourinho) nyuma yo guhurira muri Real Madrid bakagirana umubano warurimo urunturuntu, aba bagabo bombi bakomeje kuzajya babwirana amagambo atari meza biciye mu itangazamakuru, gusa uyu mugabo yongeye gukoza agati mu ntozi ubwo yasubizaga ikibazo yari abajijwe n’umunyamakuru.
Uyu mugabo bamubajije niba atajya atekereza kugarura Cristiano Ronaldo muri Manchester united, yagize ati:” Cristiano Ronaldo n’umukinnyi mwiza ku bamukunda, gusa kuri Jose Mourinho ni umukinyi usanzwe, ndumva nta gahunda namugirira kuko mfite abamurusha hano, kubwizo mpamvu rero ndumva muri Politique y’ikipe ncaka kubaka hano, ntacyo uriya musore yamfashamo.”
Ibi rero bikaba bitavuzweho rumwe na gato n’abafana b’ikipe ya Manchester United, kubona uyu mutoza wabo Jose Mourinho yamutesheje agaciro, kandi atanahagaze neza mu ikipe ya Manchester United.
