HARAGIRIMANA Dieudonne
Zinadine Yazid Zidane ni umutoza mpuza mahanga ukomoka mu gihugu cy’Ubufaransa, yakiniye ikipe y’igihugu y’Ubufaransa akaza no kuba umukinnyi ukomeye muri Real Madrid.
Nyuma akaba yaraje kuyitoza, aho guhera muri 2013 kugeza muri 2014 yari umutoza wungiruje, hagati ya 2014 na 2016 aho yatozaga Real Madrid Castilla.
Nyuma akaba yaraje gutoza Real Madrid nkuru aho yayitoje kuva muri 2016 kugeza muri 2018 gusa akaba yaraje kuyigarukamo muri 2019 akaba yarayitoje kugeza ayivuyemo mu moera ya season ya 2020-2021, akaba muri iyi myaka atari yafata akandi kazi ako ariko kose ko gutoza.
Mu gihe amakuru yerekeza Pochettino muri Manchester United akomeje kuba menshi, niho n’amakuru yerekeza Zinadine Yazid Zidane muri PSG akomeje kugenda azamuka ari menshi.
Gusa mu kwezi ku Gushyingo umwaka ushize, Director wa PSG Leonardo yavuze kobadashobora kureka Pochettino, ko ndetse kandi ibyo Zidane yakoze nk’umukinnyi ndetse n’umutoza abyemera, ariko ko ntanubwo bigeze baganira.
Gusa kuza kwe bikaba bishobora gutizwa umurego n’uko Pochettino yakwerekeza I Old Trafford gusimbura umutoza wari uriho w’agateganyo ariwe Ralf Rangnick.
Nubwo akomeje kuvungwa ariko mu bindi binyamakuru bikomeza kugenda bivuga ko umutoza wa Ajax Amsterdam Erik Ten Hag ashobora kuza ndetse yewe mu majwi hari gushyirwamo umutoza wa Leicester City Brendan Rodgers.
