Yihaye ibyo kunywa inzoga nyinshi arara mu kiraro cy’inka bucya yapfuye

Umushumba uragira inka yasanzwe mu kiraro cy’inka yapfuye bivugwa ko yari yasinze inzoga ziva muri Kongo.

Ibi byabereye mu Karere ka Rubavu mu Murenge wa Rubavu, Akagari ka Rukoko mu mudugudu wa wa Rutagara.

Ibi byabaye ku wa Gatanu tariki ya 21 Ukwakira 2022, aho umushumba witwa Iyamuremye James yasanzwe mu kiraro yapfuye.

Aya makuru kandi yemejwe n’umunyamabanga nshingwabikorwa w’umurenge, Harerimana Emmanuel Blaise.

Uyu murambo wahise ujyanwa mu bitaro bya Gisenyi gukorerwa isuzumwa ngo harebwe icyateye urupfu.