HARAGIRIMANA Dieudonne
Kuri uyu munsi tariki 19 Kamena ni umunsi mpuzamahanga wahariwe ababyeyi b’aba papa ,ni muri urwo rwego umuhanzikazi Clarisse Karasira uherutse kwibaruka umwana we w’imfura yatangaje amagambo meza y’urukundo yageneye umugabo we Dejoie ku munsi nkuyu.
Uyu muhanzikazi yifashishije urukuta rwe rwa Instagram yashyize hanze ifoto y’umugabo we amutaka, amwifuriza umunsi mwiza w’aba papa mu mitoma myiza.
Yagize ati:”Umunsi mwiza waba papa ku mutware wanjye Dejoie. Nkiri umukobwa iteka nahoraga nsaba Imana ngo impe ingabire yo kwiyubaha nkanasenga ngo igihe cyo gushaka nikigera Imana izampe umusore nawe wiyubashye maze twubakane rukomere. Uko nabisabye niko Imana yabikoze ndayishima. Kuri uyu munsi nifurije isabukuru papa w’imfura yanjye, umutware watwaye umutima wanjye kandi akaba ari ninshuti magara. Bategarugori munkurikiye namwe nifatanyine namwe mu kwifuriza abatware banyu umunsi wabo mwiza. Abatarashaka namwe mbifurije kuzahirwa igihe cyanyu cyigeze.”
