Clever Tuyishime
YegoB Music Top10: indirimbo icumi zagufasha kuryoherwa na weekend
Nkuko twabyiyemeje kujya tubagezeho indirimbo icumi zagufasha kunjira neza muri weekend ndetse no kuryoherwa nayo muri iki cyumweru nabwo umuryango mugari wa YegoB nabwo waguteguriye indirimbo icumi zituma ugubwa neza muri weekend
1.When she’s around Remix by Bruce Melody Ft Shaggy
Iyi ndirimbo imaze ibyumweru bine isohotse n’indirimbo Bruce Melody yahuriyemo n’umuhanzi ukomeye Shaggy wo muri Leta zunze ubumwe z’Amerika ndetse bakaba banagiye kuzaririmbana muri USA mu bitaramo bitegurwa na iHeartRadio, “When she’s around” akaba ari remix y’indirimbo “Funga Macho” ya Bruce Melody yakonze na Producer Prince Kiiz ikaba imaze kurebwa na Miliyoni 2.1 kuri YouTube ya Bruce Melody
2.Bana by Shaffy ft Chriss Eazy
Bana nayo imaze ibyumweru bine n’indirimbo ya Shaffy umuhanzi w’umurwanda utuye muri Leta zunze ubumwe z’Amerika ahuriyemo na Chriss Eazy umuhanzi ukomeje kwigarurira imitima y’abakunzi b’umuziki nyarwanda bitewe n’umwimerere uburi mu mashusho ye,iyi ndirimbo yakozwe na Producer Element ikaba imaze kurebwa na Miliyoni 1.9 kuri YouTube ya Shaffy
3.Nitaamina by Israel Mbonyi
Nitaamina yo imaze ibyumweru bibiri isohotse,ninayo ndirimbo rukumbi ya Gospel yatowe cyane ikaba kuza muri Top10 nayo ni ndirimbo ikomeje kugenda icurangwa hiryo no hino ahantu hatandukanye ndetse ikaba ikomeje gukundwa imaze kurebwa n’abantu benshi kuri YouTube, ni ndirimbo ya Israel Mbonyi wenyine imaze kurebwa na Miliyoni 3.2 kuri YouTube ya Israel Mbonyi
4.Oya shan by Butera Knowless
Indirimbo Oya Shan yo imaze ibyumweru bibiri isohotse, ni ndirimbo ya Butera Knowless yasohoye nyuma y’igihe kingana n’umwaka yaramaze adasohora indirimbo nyuma yo kuyishyira hanze ikomeje gukundwa cyane yakorewe muri Kina Music ikaba imaze kurebwa n’ibihumbi 707 kuri YouTube ya Butera Knowless
5.Agasinye by Ariel Wayz
Agasinye nayo imaze ibyumweru bibiri isohotse, ni ndirimbo ya Ariel Wayz nayo kuva yasohoka ikomeje gukundwa cyane kimwe n’izindi ndirimbo nshya ze nka Best in me n’izindi,… Nayo yakonzwe na Producer Prince Kiiz wo muri Country Records ikaba imaze kurebwa n’ibihumbi 232 kuri YouTube ya Ariel Wayz
6.Inanasi by Mico the Best
Inanasi n’indirimbo ya Mico The Best imaze iminsi itanu yonyine,iyi ndirimbo yatumye abantu bacika ururondogoro mbere yuko isohoka bitewe n’amafoto ya Mico The Best yambaye byagikobwa yabanje kujya hanze bigatuma iyo ndirimbo isohoka abantu bayiteze ari benshi nayo uri muzikomeje gukundwa kuva yasohoka yakozwe na Producer Tell Dhem ikaba imaze kurebwa n’ibihumbi 140 kuri YouTube channel ya Mico The Best
7.Munda by Kevin Kade
Munda n’indirimbo ya Kevin Kade imaze umunsi umwe isohotse, iyi ndirimbo ikomeje gukundwa cyane kuva ejo igisohoka bitewe n’amashusho yayo ndetse n’imiririmbire ya Kade abantu bakomeje kuyisaba kubinyamakuru bitandukanye ndetse ikomeje kurebwa cyane kuri YouTube ye, ni ndirimbo yakozwe na Producer Element ikaba imaze kurebwa n’ibihumbi 143 kuri YouTube channel ya Kevin Kade
8.Wine by Kivumbi King
Iyi ndirimbo Wine ya Kivumbi King yo imaze ibyumweru bitatu ni ndirimbo nziza ndetse ikomeje no gukurwa bijyanye n’imiririmbire ndetse n’ijwi bya Kivumbi King abantu bakunda nanone kandi abantu bagakundira iyi ndirimbo ko ituje ndetse Kivumbi aririmbamo urukundo yo rero imaze kurebwa n’ibihumbi 183 kuri YouTube channel ya Kivumbi King
9.Cookie by Riderman
Iyi ndirimbo “Cookie” ya Riderman yaje ku mwanya wa cumi kuri Top10 yacu y’icyumweru gishize n’indirimbo imaze ibyumweru bibiri isohotse kugeza ubu nta mashusho yayo Riderman yari yashyira hanze icyakora kuva yasohoka ikomeje gukundwa na benshi bijyanye nuko umwimerere w’imiririmbire ya Riderman ukunzwe n’abatari bake nkuko bigaragarira mu bitaramo bitandukanye akora hirya no hino, iyi ndirimbo yo yakozwe na Producer Santana ikaba imaze kurebwa n’ibihumbi 12+! kuri YouTube ya Riderman
10.Shadiah by Afrique Joe
Indirimbo Shadiah ya Afrique yo imaze iminsi umunani isohotse akaba ari ndirimbo ya cumi muri Top10 yacu,kimwe n’izindi zayibanjirije nayo yatowe cyane ndets ikomeje no gukundwa cyane hanzaha, ni ndirimbo ya Afrique wenyine yakozwe na Producer Prince Kiiz ikaba imaze kurebwa n’ibihumbi 108 kuri YouTube channel ya Afrique Joe
Izo n’izo ndirimbo icumi zari zigize Top10 yacu uramutse ushaka gutora indirimbo izaza mu cyumweru gitaha wakwandika muri comments cyangwa ukanyura kuri Platform zacu zose zitwa YEGOB cg ukatwandikira kuri Whatsapp +250785319470
Tubibutse y’uko iyi YegoB Music Top10 isohoka buri wa Gatandatu uramutse ushaka kwamamaza ibikorwa byawe biciye muri yo watwandikira kuri Whatsapp.
