Yakubise umugore we aramwica amuziza umugati

Biravugwa ko umugore witwa Ogochukwu Anene yishwe n’umugabo we witwa Wilson Uwaechina amuziza umugati uyu mugore yari yaguriye umwana, aba bombi bakaba bari batuye muri leta ya Enugu muri Nijeriya.

Ikinyamakuru Pulse dukesha iyi nkuru kivuga ko aba bombi batangiye kurwana ubwo uyu mugore yajyaga guha umwana umugati akawubura, yabaza umugabo we aho umugati uri, undi agahagurukana ibirahuri n’ibindi byari hafi aho akadiha umugore we kugeza ashizemo umwuka nk’uko babitangarijwe na nyina wa nyakwigendera.

Kuri ubu uyu mugabo ari gushakishwa ngo aryozwe ibyaha yakoze.