Connect with us

Featured

Waba uzi amateka ya Premier League? (Dore uduhigo n’udukoryo byayiranze)

Published

on

Premier league ni shampiyona yo mu bwongereza y’umupira w’amaguru, kuri ubu akaba ari nayo shampiyona ikurikirwa ku ma televiziyo kurusha  izindi, ubushakashatsi bwakozwe mu mwaka wa 2007 bwagaragaje ko irebwa n’abarenga miliyari imwe ku mwaka. Yatangiye guhatanirwa m’umwaka 1888 itangizwa na “The football association” ikaba  yaritwaga football league, bigizwemo  uruhare  rukomeye ni umugabo witwaga William McGregor wari umuyobozi  w’ikipe yitwa Aston Villa.

William McGregor washinze Football League.

William McGregor washinze Football League.

Ku itariki ya 8 Nzeri 1888 nibwo hatangiye gukinwa  shampiyona y’umupira w’amaguru mu Bwongereza yariteguwe na Federasiyo y’umupira w’amaguru mu bwongereza (Football Association) ihabwa izina  rya “Football League, maze itangizwa n’amakipe 12 ariyo: Accrington, Aston villa, Blackburn Rovers, Bolton Wanderers, Burnley, Derby County, Everton, Notts County, Preston North End, Stoke fc,West Bromwich Albion, wolverhampton wanderers. Buri kipe yakinaga nindi inshuro ebyiri mu mwaka wa Shampiyona, bivuze ko buri kipe yakiraga indi ku kibuga cyayo nindi nayo ikazayakira mu mukino wakabiri, ikipe  yatsindaga yegukanaga amanota 2, naho izinganyije umukino zigacyura inota rimwe. Preston North End niyo  yegukanye ku nshuro yambere igikombe cya shampiyona y’ubwongereza igitwara idatsinzwe, ndetse itwara n’igikombe cya FA Cup ikora amateka yo gutwara ibikombe bibiri mu mwaka umwe (bikaba byitwa Double).

Ngiyi ikipe ya Preston North End yatwaye igikombe cyambere cya shampiyona.

Ngiyi ikipe ya Preston North End yatwaye igikombe cyambere cya shampiyona.

Mu mpera z’umwaka wa shampiyona 1990-1991, amakipe yarushaga ayandi imbaraga yagize igitekerezo cyo  guhindura iyi shampiyona ku buryo zajya zibasha kwinjiza amafaranga arenze ayo zari zisanzwe zibona, maze ku  itariki 17 Nyakanga 1991 nibwo izi kipe zemeranyije kuva mu kitwaga Football league twavuze haruguru  cyategurwaga na Football Association (FA), kugirango bizifashe kwishakira abaterakunga ku giti cyazo ndetse no  kubasha gutanga uburenganzira bwo kuzerekana ku ma televiziyo ari zo zibigizemo uruhare.

Mu mwaka 1992 ikipe zose zo mu kiciro cya mbere zavuye bidasubirwaho muri Football league maze ku itariki 27 Girucasi 1992 izi kipe zikora ikitwa FA Premier league, nubwo ariko zavuye muri Football league zakomeje  gukurikiza amategeko yayo, aha twavuga uburyo bwo kuva ndetse no kuzamuka mu cyiciro cya mbere, ndetse ni umubare w’amakipe yitabiraga Shampiyona y’ ikiciro cya mbere.

 

Ngiki ikiranagantego cyakoreshejwe bwambere na F.A PREMIER LEAGUE

Ngiki ikirangantego cyakoreshejwe bwambere na F.A PREMIER LEAGUE.

Mu mwaka wa shampiyona wi 1992-1993 nibwo F.A PREMIER LEAGUE yakinwe ku nshuro ya mbere itangizwa   n’amakipe 22, maze igitego cya mbere gitsindwa na Brian Deane wakiniraga ikipe ya Sheffield United Fc mu mukino wabahuzaga na Manchester United.

Brian Deane atsinda igitego cyambere muri FA PREMIER LEAGUE.

Brian Deane atsinda igitego cyambere muri FA PREMIER LEAGUE.

Manchester United yatozwaga na Sir Alex Furgeson iba ikipe yegukanye ku nshuro yambere igikombe cya FA  Premier League.

Manchester United yatwaye igikombe cyamber e cya FA Premier League.

Manchester United yatwaye igikombe cyamber e cya FA Premier League mu mwaka wa shampiyona 1992-1993.

Mu mwaka 1995 amakipe yavuye kuri 22 maze aba 20 bitegetswe na FIFA (Federation internetionale de Football Association) ikaba ari ishyirahamwe ry’umupira w’amaguru ku rwego rw’isi. Mu mwaka wa 2006 FIFA ikaba  yarongeye gutegeka ko shampiyona z’ibihugu by’iburayi zigomba kuba zigizwe n’amakipe 18 ariko ibyo FA Premier  League  tiyabikozwa, ikomeze gukinisha amakipe 20.

Mu mwaka wa 2011 nibwo ikipe itariyo mu Bwongereza yemerewe gukina Premier League, iyo kipe ikaba yitwa  “Swansea fc” yo mu gihugu cya Wales. Kuva yatangira gukinwa mu mwaka wa  Shampiyona 1992-1993 amakipe  ane ariyo: Manchester United, Arsenal, Chelsea ndetse na Liverpool zakomeje kwiharira imyanya yambere arinako  zinatwara niyi shampiyona uretse ikipe ya Liverpool yo itaragitwara kuva cyakwitwa FA Premier League, uku kwiharira imyanya ine yambere byazihaye akabyiniriro ka “Big Four” bisobanuye amakipe ane akomeye. Aya  makipe yakomeje kwiharira Premier League kugeza mu mwaka wa 2011 uretse ikipe yitwa Blackburn Rovers yatungaranye ikegukana iyi shampiyona mu mwaka wi 1994-1995.

Blackburn rovers itwara igikombe mu mwaka wa shampiyona 1994-1995.

Blackburn rovers itwara igikombe mu mwaka wa shampiyona 1994-1995.

Mu mwaka wa 2010 amakipe nka Tottenham na Manchester City zariyubatse bikomeye cyane cyane Manchester  city yari yaguzwe n’abahendwe b’abarabu bafite inkomoko i Abu Dhabi mu  gihugu cya Leta zunze ubumwe z’Abarabu mu mwaka wa 2008. Uku kwiyubaka byatanze umusaruro cyane kuko iyi kipe ya Manchester City yahise itwara igikombe cya shampiyona mu mwaka wa 2012 ndetse no mu mwaka wa 2014.

Manchester City itwara igikombe mwaka wa shampiyona wa 2011-2012.

Manchester City itwara igikombe mwaka wa shampiyona wa 2011-2012.

Kuva iyi shampiyona yatangira gukinwa yitwa Football league Jimmy Greaves ni we wabashije gutsinda ibitego  byinshi bingana na 357 akaba yarabitsinze kuva mu mwaka 1952 kugeza mu 1971, abitsindira amakipe ya Chelsea(124), Tottenham(220) na West Ham (13).

Jimmy Greaves watsinze ibitego byinshi mu mateka ya shampiyona y'abongereza.

Jimmy Greaves watsinze ibitego byinshi mu mateka ya shampiyona y’abongereza.

Kuva iyi shampiyona yakwitwa FA Premier League Alan Shearer niwe watsinze ibitego byinshi bingana na 260 mu  mikino 441.

Alan Shearer yishimira igitego.

Alan Shearer yishimira igitego.

Umuzamu witwa Peter Shilton niwe wakinye imikino myinshi ya shampiyona ingana na 848 guhera mu 1966 kugeza 1991. Yakiniye amakipe atandukanye nka Leicester yatangiriyemo mu 1966, Stoke City ndetse na  Southampton n’izindi nyinshi.

Nguyu umuzamu Peter Shilton.

Nguyu umuzamu Peter Shilton.

Ryan Giggs wakiniye Manchester United imikino 632 kuva mu mwaka 1990 kugeza mu mwaka wa 2014. Niwe wakinnye imikino myinshi kuva iyi shampiyona yakwitwa FA Premier League. Kugeza ubu ni nawe mukinnyi watwaye ibikombe byinshi bya Premier League kuko yagejeje kuri 13 byose yatwaranye na Manchester United. Ryan Giggs akaba afite ndetse n’agahigo ko gutanga imipira myinshi yavuyemo ibitego (Assist) ingana ni 162.

Ryan Giggs mu kibuga.

Thierry Henry wamenyekanye cyane mu ikipe ya Arsenal yakoze amateka yo kuba umukinnyi wambere watwaye igihembo cy’umukinnyi mwiza w’umwaka muri shampiyona y’Ubwongereza inshuro 2 zikurikiranye, muri 2002-2003 na 2003-2004. Ibi bikaba byarongeye gukorwa na Cristiano Ronaldo wakiniraga ikipe ya Manchester United mu mwa 2006-2007 ndetse na 2007-2008.  Cristiano Ronaldo akaba kandi afite n’agahigo ko kuba umukinnyi muto witwaye neza kurusha abandi ndetse akanegukana n’igihembo cy’umukinnyi mwiza w’umwaka akaba yarabikoze mu mwaka umwe wa 2007.

Sir Alex Furgerson akaba ari we mutoza watwaye ibikombe byinshi bya Premier League aho yafashije Manchester United gutwara ibikombe 13. Ni nawe mutoza watoje imyaka myinshi, igera kuri 20 muri Premier League (Akaba yarasezeye muri 2013). Akurikiwe na Arsene Wenger wa Arsenal uyitoje imyaka 19 (uyu mwaka ukaba ari uwa 20) akaba ari we umaze igihe kinini mu bari gutoza ubu.

Arsene Wenger umutoza wa Arsenal.

Arsene Wenger umutoza wa Arsenal.

Premier League yakunze kugaragaza ihangana rikomeye cyane hagati y’amakipe. Twavuga nka Liverpool na Manchester United zifatwa nk’amakipe akomeye cyane mu Bwongereza afite amateka kurusha ayandi. Hari kandi ikipe z’i Londres arizo Arsenal na Tottenham, ikipe zo mujyi wa Liverpool arizo Liverpool na Everton ndetse na Manchester United na Manchester City zombi zo mu mujyi wa Manchester.

Shampiyona y’umupira w’amaguru y’uyu mwaka ikaba iri gukinwa ku nshuro yayo ya 25 kuva yakwita Premier league, ndetse ikaba ari inshuro y’ i 118 muri rusange kuva yatangira gukinwa mu mwaka w’i 1888. Ikaba yaratangiye ku itariki 13 Kanama 2016, ikazarangira ku itariki 21 Gicurasi 2017. Amakipe 20 azaba ahatanira kwegukana iki gikombe gifitwe kuri ubu n’ikipe ya Leicester City. Ikipe nka Burnley, Middlesbrough na Hull City nizo zazamutse mu cyiciro cya mbere naho amakipe nka Newcastle United, Norwich City ndetse na Aston Villa zo zikaba zaramanutse mu cyiciro cya kabiri.

Leicester City itwara igikombe cya shampiyona y'umwaka ushize.

Leicester City itwara igikombe cya shampiyona y’umwaka 2015.

Nubwo amakipe ari 20 ariko muriyo hari ayo abasesenguzi n’abandi bakurikirana hafi umupira w’amaguru baha amahirwe cyane kurusha ayandi. Murizo izivugwa cyane ni ikipe ya Manchester United, Chelsea, Arsenal, Manchester City, ndetse n’ikipe ya Liverpool. Gusa umuntu ntiyakwibagirwa n’amakipe nka Tottenham, West Ham  ndetse na Leicester City yagitwaye umwaka ushize.

Amakipe yariyubatse kuburyo bwose. Muzahinduye abatoza twavuga Manchester United yazanye JOSE FELIX MOURINHO, Manchester City yazanye PEP GUARDIOLA ndetse na Chelsea yazanye ANTONIO COMPTES. Aba ni bamwe mu batoza abantu bahurizaho kuba bakomeye cyane ku isi.

Habayeho no guhinduranya amakipe ku bakinnyi. Aha twavuga nk’umukinnyi Paul Pogba waguzwe n’ikipe ya Manchester United atanzweho akayabo ka milliyoni 89 z’ama pawundi akoreshwa mu Bwongereza (ugenekereje akaba ari hafi miliyari 95 z’amanyarwanda). Akaba yarahise aca agahigo ko kuba umukinnyi uhenze cyane kurusha abandi. Ntitwakwirengagiza ariko Ngolo  Kante waguzwe n’ikipe ya Chelsea avuye mu ikipe ya Leicester yafashije bikomeye gutwara igikombe cya shampiyona ishize.

Paul Pogba ari gusinyana amasezerano na Manchester United.

Uyu mwaka benshi baremeza ko ushobora kuzaryohera abakunzi ba ruhago yo mu Bwongereza bitewe no  guhangana byitezwe hagati y’amakipe. Uyu  mwaka kandi amakipe azabona amafaranga menshi azakura ku  mateleviziyo azerekana Premier league kurusha ikindi gihe.

Ikirangantengo gishya cya Premier League.

Ikirangantego gishya cya Premier League.

Tubifurije kuzaryoherwa no gukurikira neza iyi mikino.

 

Iyi nkuru tukaba tuyikesha ikinyamakuru ireberomag.com

Komeza usome
Advertisement
Click to comment

Comment

Featured

Abasitari 10 bakurikirwa n’abantu benshi kurusha abandi kurubuga rwa Instagram

Published

on

Instagram iri mu mbuga nkoranyambaga zikoreshwa n’abantu benshi cyane muriki gihe, aho ikoreshwa n’abantu barenga miliyari 1(1,000,000,000) mu kwezi kumwe gusa. Twabakoreye urutonde rw’abasitari 10 kw’isi bakurikirwa n’abantu benshi kurusha abandi.

Dore uko bagenda bakurikirana duhereye ku mwanya wa cumi.

        10. Neymar(139m)

Neymar Jr

umunya Brazil ukina football Neymar akaba kurubu akinira ikipe ya Paris Saint-Germain, niwe dusanga ku mwanya wa cumi aho akurikirwa nabasaga miliyoni 139. Kurubuga rwe usanga higanjeho amafoto ari gukina, cg se ari kumwe nabandi basitari bagenzi be, ndetse nayo mubuzima busanzwe bwe bwa buri munsi ari murugo iwe.

 

9. Justin Bieber (140m)

Umuhanzi Justin Bieber uririmba injyana ya pop, niwe uza ku mwanya wa cumi mubasitari bakurikirwa n’abantu benshi, aho akurikirwa nabasaga miliyoni 140.

8. Beyonce (150m)

Umuhanzikazi Beyonce cg se Queen Bey nkuko benshi bakunze ku mwita, akurikirwa nabasaga miliyoni 150. Uretse kuba aza kuruyu mwanya, akaba yarigize guca agahigo ko kugira ifoto yakunzwe n’abantu benshi kurusha izindi.

7. Lionel Messi (158m)

Umukinyi wa football Leo Messi ukinira ikipe ya Barcelona na Argentine, akurikirwa nabarenga miliyoni 158. Mu mafoto akunda gushyira kururu rukutwa rwe rwa Instagram, haba higanjemo ayo abarimo gukina, iwe murugo ndetse nibindi birori bitandukanye yitabira.

6. Kim Kardashian (178m)

Umunyamideli akaba n’umugore w’umuraperi Kanye West, Kim kardashian akurikirwa nabarenga miliyoni 178. Mu mafoto akunda gushyira kururu rukuta rwe rwa Instagram haba higanjemo ayo aba yamamaza, ndetse nibindi birori bitandukanye yitabira.

5. Selena Gomez (182m)

Umuhanzikazi Selena Gomez akurikirwa nabarenga miliyoni 182, akaba yarasubiye inyuma kuko mu mwaka wa 2019 yazaga ku mwanya wa kabiri mu bantu bakurikirwa n’abantu benshi kuri Instagram. Uretse kuba aza ku mwanya wa 3, Selena Gomez ari mubakunze kugira amafoto akundwa n’abantu benshi kururu rubuga, aho mu mafoto ye haba higanjemo selfie, nandi aharanira uburenganzira bw’igitsina gore.

4. Kylie Jenner (184m)

Ku mwanya wa 2 tuhasanga umwe mu bagize umuryango w’abanyamideli bazwi nkaba Kardashians, Kylie Jenner  akurikirwa nabasaga miliyoni 184. Niwe mu Kardashian ukurikirwa n’abantu benshi, aho arusha mukuru we Kim Kardashian miliyoni 6 z’abantu bamukurikira.

 3. Dwayne ‘The Rock’ Johnson (189m)

Umukinyi wa filme Dwayne Johnson, wamenyekanye cyane kwizina rya The Rock, ari ku mwanya wa gatatu aho akurikirwa nabarenga miliyoni 189. Yamenyekanye cyane ubwo yakiniga umukino wa wrestling, catch nkuko benshi bakunze kuwita.

2. Ariana Grande (193m)

Ku mwanya wa kabiri, turahasanga umuhanzikazi Ariana Grande, aho akurikirwa nabasaga miliyoni 193. Niwe muhanzikazi ukurikirwa nabantu benshi kurusha abandi.

1.Cristiano Ronaldo (228m) 

Umukinyi w’umupira w’amaguru ukinira ikipe ya Juventus ,akaba na captain w’ikipe y’igihugu ya Portugal, Cristiano Ronaldo niwe musitari ukurikirwa n’abantu benshi kurusha abandi kuri Instagram aho akurikirwa nabarenga miliyoni 228, akaba amaze kuruyu mwanya imyaka irenga ibiri.

Komeza usome

Featured

UKUTUMVIKANA HAGATI YABA KINNYI BA Tottenham

Published

on

Mwijoro rya cyeye ubwo imikino yakomezaga mu gihugu cyubwongereza ikipe ya Tottenham yahuraga nikipe ya Everton ubwo kumunota wa 25 gusa wumukino umukinnyi wa Everton ” Michael Keane ” yaje kwitsinda igitego ibyo bakunze kwita ( deflection ) igice cyambere kirangira ari igitego kimwe cya Tottenham kubusa bwa Everton.

mbere gato bajya muryambiriro  abakinnyi babiri ba Tottenham captain akaba numuzamu wa Tottenham Hugo Lloris nibwo uyu muzamu  yirukanse asatira mugenzi we Son Heung-Min bashyamiranga bikomeye bibangombwa ko batandukanywa nabandi bakinnyi ba Tottenham aribo Giovani Lo Celso na Lucas Moura ibi bije byiyongera kukuba umutoza wa Tottenham Jose Mourinho ukunze guteza ibibazo  murwambariro cg (dressing room).

Hugo lloris na Son Heung-Min

Hugo lloris na Son Heung-Min

Reba uko byari byifashe 

 

kugeza ubu ntakintu ubuyozi byiyi kipe bwari bwatangaza kubihano aba babiri baribuze gufatirwa . gusa umutoza jose mourinho  mukiganiro yagiranye na sky sport nyuma yumukino  akaba yabishimwe avuga ko ibyo umuzamumu Hugo lloris yakoze byaribyo  mwijambo riwe yagize ati “it’s beautiful”  byatangaje benshi.

 

jose mourihno

jose mourihno – umutoza wa Tottenham

 

 

 

 

Komeza usome

Featured

Ibyibanze ushobora kumenya kumuyoboro wa interineti wa 5G uje guhindura byinshi mw’isi ya technology!

Published

on

Ngo burya koko ntabihe mubuzima bitagira abubu ariko nanone ngo haribihe bizana nibintu bitangaje kuburyo ababa batagishoboye kubikoresha muburyo buhagije basigara bavuga ko abubu batoroshye,

ibaze nawe umuntu wambere wabashaga kugenda kw’ifaraji mumyaka ya 1950 kumanura icyogihe ashobora kuba yaribwiraga ko abicyo gihe baba barateye imbere bihagije wenda kuko yabaga atarabona ibyo abubu bazifashisha bagenda birimo imodoko uyu munsi igenda ntamuyobozi (choffeur ifite), Gusa ntago uyu munsi twaje kuganira kuburyo abantu bagiye batera imbere ariko reka twibande kw’iterambere y’isi ya technology.

Ushobora gusubiza amaso mu myaka nk’icumi ishize ugasanga nubw’abantu twibwiraga ko duteye imbere ariko nkiyo ibyago isi irimo uyu munsi  bya Corona virus aho abantu bari gushishikarizwa kubaho bakorera gahunda zishoboka mungo ndetse yewe hamwe n’amanama cyangwa ibintu byabahuzaga byagabanyijwe kuburyo bukomeye ukibaza uko abantu bari bwitware muburyo bwo guhuza ibitekerezo nta technoolgy yo kuba umuntu yakora inama n’abandi bitamusabye kuva iwe cyangwa se aka abasha kuba yareba umupira uri kuri stade atiriwe arenga inzu atuyemo ibi ngirango kwaba ari uguta igihe kuko nuwari kubihingutsa bari kumusubiza ko bidashoboka ndetse bashaka bakamujyana kumusengera ko yaba akorerwamo n’abazimu,

ibyo byose uyu munsi tumaze kubimenyera kuko bisaba gusa kuba ufite interineti nziza ya (4G cg 3G) ubundi ukongeraho telephone cyangwa se computer bigezweho ukabasha kubaho ubuzima abantu bakurutaho byibuze imyaka 20 bitaga inzozi.

ariko nanoe uyu munsi hari byinshi tutabara nkaho hari ikibura kuko abenshi ntakibiirenze tubatwarigeze tubona gusa ntago intiti zijya ziruhuka zihora zzikora zitekereza ibintu abandi batigeze baha umwanya zikatuzanira ibitangaza

reka ndeke kubatindira maze mbaganirize kubintubitandukanye ndetse binatangaje umuyoboro wa interineti wa 5G uzahindura mubizima busanzwe bwabantu bakunda gukoresha ibijyanye na interinet.

kuva munyaka ya 1980 nibwo interinet yatangiye gukoreshwa ariko iyo ubu abenshi turi gukoresha izwi nka 4G yatangiye gukoreshwa bwambere kwisi murino myaka ya 2010 kugeza magingo aya niyo igikora.

5G nayo irimo kuza ubu izajya ikora kumuvuduko uruta cyane uwa 4G turimo turakoresha uyu munsi.

wenda kugirango ubashe kubyumva neza wenda nko mugihe umuntu yabaga amanura(Download) nka filme akoresheje interineti ya 4G nziza ishoboka yabaga ashobora byibuze kugendera kumuvuduko wa 300Mbs kugeza kuri 1Gb kwisegonda . uyu muvuduko nimwinshi cyane kuko icyiciro cya 3G cyo kitabashaga kuwukoresha ariko umuntu uzaba akoresha interinet ya 5G we byibuze azajya amanura ya filme kumuvudo uri hagati ya 8Gbs kugeza kuri 15Gbs kw’isegonda ubwo birumvikana ko ugiye mu mibare neza usanga uyu muvuduko wa 5G uzaba byibuze ukubye uwa 4G inshuro zikabakaba 10 zose.

uko internet ihindura umuvuduko uko iminsi iza 5G yo ni nkuwicyogajuru.

Abahanga bakomeje kw’iga kuri uyu murongo wa 5G kandi bavuga ko nkuko byatwaye igihe gikabakaba hafi imyaka 4 ngo 4G ibashe gusakara kw’isi ndetse hakaba hari ibice by’icyaro itari yabasha kugeramo neza ibi binitezwe kuri 5G gusa siyo mbogamizi yonyine kuko uyu muyoboro nawo utajya ubasha kujya muri buri telephone ibonetse kugirango ubu ube wabasha kuvugako ugize gutya ukumva uyu muyoboro wa 5G ugeze mu Rwanda dore ko ntagitangaza cyaba kirimo kuko uRwanda ruri mubihugu biteye imbere mu ikoranabuhanga kuri uyu mugabane ariko nanone byagusa guhita utumiza telephone ya MOTOROLA EDGE PLUS kuko kuri ubu iri muri telephone zifite ubushobozi bwo gukoresha iyi interineti yihuta kurusha izindi zigeze zibaho kuri uyu mubumbe dutuye reka ndeke kukubwira igiciro cyayo twirinde gukura imitima ingano ya konti yawe cyangwa se ngo utangire utekereze kukugurisha ako gatelephone utunze ubu kandi ariko gatumye umenya ibyiyi 5G, sibyo gusa kuko uyu muyoboro uzajya utuma telephone cyangwa imashini ziri kuwukoresha zikoresha ingufu nyinshi bityo umuriro muri battery zabyo nawo niko uzajya ushiramo byihuse.

nibyinshi umuntu yakenera kuvuga kuri uyu muyoboro ariko reka tuzagende tubimenya gake gake dore ko nawo abahanga bakiwusobanuraho byinshi .

reka ngewe byibuze nsige nkubwiye ko nuzabona ahantu handitse 4G LTE cyangwa 5G LTE uzamenye ko bisobanuye G ivuga (generetion ) naho LTE ( Long-Term Evolution)

ubwo mukinyarwanda twavuga ko ari Icyiciro cyakane cyangwa se cya gatanu mu iterambere ryigihe kirambye singombwa ko nkwibutsa ko ari irya interineti.

Komeza usome

Featured

NTIBISANZWE; Dore Ibintu Bidasanzwe Biranga Abitwa aba Maasai!(AMAFOTO).

Published

on

Maasai ni ubwoko bw’abantu butuye muri Kenya ndetse nahagana mumajyaruguru ya Tanzania gusa muri iyi nkuru turaza kwibanda cyane cyane kubo muri Kenya.

Aba maasai ngo ni bamwe mubwoko bwari bwiganje muri kenya mumyaka ya tambutse gusa nubwoko bufite byinshi bwihariye kumibereho bitandukanye niby’abantu bamenyereye.

Dore bimwe muybintu bitangaje biranga aba bantu:

  1. Ntibagira ubwobwa

 

aba ngo nubwo mubuzima busanzwe usanga ari abanu bigirira ubwira ndetse n’umutuzo ngo ariko iyo bigeze kugihe gikanganye usanga bo ntacyo rwose biba bibabwiye cyane ko usanga abana babo baba baratojwe guhiga bakiri bato kugirango babone ibyo barya ndetse bakora n’imyitozoo ikakaye yo kurida imiryango yabo Kandi  ngo ntamwana bwabo ushobora kwitwa indwanyi atarabasha byibuze kwica intare namaboko ye.

2.Banywa amaraso

Bimwe mubintu bitangaje ndeytse wanavuga ko biteye ubwoba ngo nuko aba bamasayi banywa amaraso y’inka baba bamaze kubaga ndetse yewe ibi bigafatwa nk’igikorwa cy’icyubahiro kuko hambere aya maraso yanywebwaga n’abakomeye  cyangwa se mumihango yo kwishimira umwana uba wavutse ariko ubu asigaye anywebwa na buri wese uba umaze kubaga inka.

3.Baha agaciro inka n’abana cyane

Aba ngo nkuko kuva kera usanga arabantu bakunze kurangwa n’ubworozi bw’inka ndetse n’ubworozi bwamahene bituma umuntu ufite inka nyinshi ariwe ubarwa nk’umutunzi cyangwa se nkumunyacyubbahiro ukomeye. Ikindi kandi ngo kubyara bibarwa nabyo nkigikorwa cy’ubutunzi aho abana babo bashyingirwa bakiri bato ndetse ngo baharanira kubyara abana benshi bashoboka

4.Abagore nibo bubaka amazu

Unyubako zizwi nka “INKAJIJIK” aba bakunze guturamo usangwa zubakwa n’abagore cyane cynae bifashishije amase , ibyatsi n’ibindi.

5.Kuririmba no kubyina.

Aba ngo bazwiho injyana zihariye ndetse n’imbyino zabo bwite usanga akenshi ziganjemo gusimbuka ariko ngo biba mumico yabo kuko niyo uwagiye guhiga ahamije itungo abanza kuribyinira.

6.Ntibashyingura ababo bitabye Imana.

Aba ngo bizera ko iyo umuntu apfuye ibye byose biba birangiriye aho ndetse bakemera ko iyo umushyinguye mubutaka uba uri kubwngiza bishobora no gutuma utabubyaza umusaruro bikaba ariyo mpamvu iyo umuntu wabo yitabye imana bamusiga amaraso menshi cyane kubiri ndetse bakamsiga aho ngo aze kuribwa ninyamanswa.

 

 

Source:  www.discoverwalks.com

Komeza usome

Featured

Dore ibintu bitangaje Imbwa yihariye !!

Published

on

Burya iyo umuntu abwiye undi ngo ni imbwa biri mubintu bishobora kumubabaza cyane yewe bikaba byatuma n’umubano bari bafitanye uhita urangirira aho, ibi biterwa n’uko imbwa izwi nkinyamanswa ishobora gukora ibintu bibi kuburyo ntamuntu wagakwiye guhuza nayo gusa nanone imbwa ifite ibintu yihariye bitangaje ndetse yewe byiza.

uyu munsi twagukoreye urutonde rwa bimwe mubintu imbwa yihariye ushobora kuba utaruzi:

  1. Imbwa ishobora kumenya aho amasaha ageze.

waruziko iri tungo abenshi bakunda gutunga mungo zabo ryifitemo ubushobozi bwo kuba yamenya aho amasah ageze kandi itiriwe yifashisha ikindi kintu icyaricyo cyose? ndetse ubushakashatsi bwagaragaje ko imbwa ishobora gutozwa ikaba yajya yifashishwa muguteganya igihe umucyo uri buzire cyangwa se uri bugende.

2. imbwa igira ubwenge bungana nkubw’umwana w’imyaka ibiri.

Ushobora ku ba utari waribajije impamvu abana bari mukigero k’imyaka ibiri usanga akenshi baba bakunze imbwa cyane, ntakindi nuko ubushakashatsi bwerekanye ko umwana w’imyaka ibiri ahuza byinshi n’imbwa ndetse ngo ibimenyetso bigeze kuri 250 usanga babyumvikanaho.

3. Imbwa igira ishyari.

Kimwe nk’umuntu iyo imbwa ibonye nyirayo atangiye guha agaciro indi mbwa cyangwa se irindi  tungo imbwa ngo nayo igira ishyari aho itandukaniye n’umuntu nuko yo itabasha kubishisha usanga ihise yirebera kuruhande yaba itagira amahane ikanigendera.

4.Imbwa n’isnhuti magara

Imbwa ngo nubwo ishobora kugora umuntu mukuyimenyereza ibintu runaka ariko burya ngo imbwa iyo yamaze kukumenya nka nyirayo ntakintu nakimwe gishobora gutuma igusiga ndetse ngo niyo bibaye ngombwa yaguphira.

5. imbwa niyo yorowe cyane .

imibare yerekanye ko imbwa iri munyamaswa zorowe kurusha izindi kw’isi aho muri America gusa abarenga miliyoni 78 bose boroye imbwa ndetse yewe ngo kimwe cyakabiri cy’abayobozi bose bayoboye America bose boroye imbwa.

Komeza usome

Trending

Copyright © 2020 YEGOB

%d bloggers like this:
Enable Notifications.    Ok No thanks