Nyuma ya Championat yo muri Belgique, iyo muri France ndetse niyo mu Buholandi, kuri ubu biravugwa ko championat yo mu Bwongereza nayo ishobora guhagarikwa burundu mu minsi iri imbere.

Nkuko ibinyamakuru bitandukanye byo mu bwongereza nka DailyMail, TheSun bikomeza kugenda bibitangaza Championat izwi nka Premier League ishobora kutazigera isubukurwa uyu mwaka (iyi season), ibi bikaba biterwa ahanini n’impungenge abakinnyi bakomeje kugenda bagaragaza bavugako badashaka gusubukura iyi championat igihe hataraboneka uburyo buhamye bwo kurwanya coronavirus.
Ikindi kandi ngo ni haramuka hatabonetse byibuze amakipe ane yifuza ko ino championat isubukurwa, izahita ihagarara ntakabuza.