Vestina na Dorcas bakomeje gukora amateka mu muziki Nyarwanda

Itsinda ry’abanyamuziki rigizwe n’abakobwa Vestine na Dorcas rihetse umuziki wo guhimbaza Imana mu Rwanda rikomeje kwereka igihandure abandi bahanzikazi doreko bafite abarenga Miliyoni hafi 10 zarebye ibihangano byabo mu mwaka umwe.

Nkuko imibare y’urubuga rwa YouTube ibigaragaza kuva mu kwezi ku Ukwakira 2021 kugeza Ukwakira 2022 aba bakobwa bamaze kugirirwa ikizere na miliyoni zigera ku 10 z’abakunze ibihangano byabo ibintu bikorwa b’abahanzi babarirwa ku ntoki mu muziki w’u Rwanda.
Aba bakobwa bakunzwe mu ndirimbo z’inyuranye nka Ibuye, Sibayari,Nahawe Ijambo ndetse na Arakiza.

Iri tsinda ryanditse amateka nk’itsinda rya mbere rikoze aya mateka mu muziki nyarwanda , bakaba abakobwa ba mbere babigezeho ndetse bikabagira umuhanzi wa kabiri ubikoze kuva mu Ukwakira 2021 kugeza Ukwakira 2022 nyuma ya Bruce Melodie.