M.Ben
Urukiko rugiye gutegeka ko Prince Kid bivugwa ko yahunze afatwa akajyanwa i Mageragere kurangiza igihano yahawe.
Tariki ya 13/10/2023, nibwo urukiko rwahamije Prince Kid ibyaha birimo no gusambanya undi ku gahato.
Icyo gihano ntabwo cyahise cyigirwa itegeko, ahubwo hatanzwe iminsi 30 yo kujurira ku ruhande rwa Ishimwe Dieudonne uzwi nka Prince Kid.
Iyo minsi 30 Prince Kid yahawe, yarangiye kuri uyu wa mbere tariki ya 13/11/2023.
Amakuru dufite ni uko kugeza mu mpera z’iki cyumweru dusoje, Prince Kid yari atari yajurira bivuze ko iminsi 30 yashize atajuriye agomba guhita afungwa.
Urukiko ruhita rutegeka ko afungwa igihano yahawe mu gihe iminsi 30 wahawe ishize utari wajurira.
Ishimwe Dieudonne uzwi nka Prince Kid yamenyekanye nk’umuyobozi wa Rwanda Inspiration Backup yateguraga Miss Rwanda.
