“Uretse kudahembwa no kurya ni ikibazo” Umutoza umwe mu Rwanda agaruka ku bukene bwugarije ikipe ye

Amakipe akina shampiyona y’ikiciro cya mbere mu Rwanda akomeje guhura n’ikibazo cy’amakiro ku buryo bigeze naho abatoza bataka Inzara mu makipe yabo.

Ibi byabaye mu mpera z’icyumweru gishize ubwo ikipe ya Etincelles yakinaga na Sunrise FC, Sunrise igatsinda ibitego bitatu ku busa.

Nyuma y’umukino umutoza wa Etincelles yavuze ko ubukene buri mu ikipe atoza bugeze ku rwego batabasha kubona ibibatunga.
Bizumuremyi Radjab yagize ati” Abakinnyi bari mu buzima bubi ,no kujya gukina icyo twanga ni Ibihano bya FERWAFA. Uretse no kudahembwa no kurya ni ikibazo.