Umwana yishe nyina amuhora ko yanze ko anywa urumogi

Umwana w’imyaka 15 arashinjwa kwica nyina ahitwa Osubeng muri Ghana amuhora ko yamubujije kunywa urumogi.

Uyu mwana wakomoka mu muryango w’abahinzi mu gace kitwa Kwahu y’Amajyepfo mu Burasirazuba bwa Ghana,ntiyishimiye umwanzuro wa nyina wo kumubuza kunywa urumogi byatumye amwivugana nkuko ibinyamakuru by’iwabo bibivuga.

Madamu Sakina Amuni, yakoraga mu isambu ye mu cyumweru gishize, ubwo umuhungu we Amuni Illiasu yahamusangaga amukubita inkoni hanyuma amutera icyuma mu muhogo.

Uwitwa Kwasi Dwamena wa ’Adom News’ wakurikiranye iyi nkuru, yatangaje ko uyu mwana yaburiye nyina ko azamwica nakomeza kumubuza kunywa urumogi.

Yagize ati: “Nyina n’abandi bagize umuryango we birengagije umuburo kugeza igihe yamwiciye mu isambu.”

Ubwo abapolisi bo muri Nkawkaw bageraga aho byabereye, Kwasi yavuze ko ukekwaho icyaha yahise acyemera.