Umwana w’imyaka 6 yagwiriwe n’inzu ahita yitaba Imana

Mu Karere ka Nyarugenge ,mu Murenge wa Kimisagara ,mu Kagali ka Kimisagara ,haravugwa inkuru y’akababaro y’umwana w’imyaka itandatu wagwiriwe n’inzu agahita ahasiga ubuzima ,nyuma y’imvura nyinshi yaguye mu ijoro ryo kuwa kabiri tariki 27 Ugushyingo 2022.

Mukankusi Neema wari umubyeyi wa nyakwigendera avuga ko umwana we yagwiriwe n’igikuta cy’inzu ,bitewe n’imvura nyinshi yarimo igwa kandi hari amazi menshi yaturukaga i muganza ku mashuri afite imbaraga.

Uretse kuba uyu mubyeyi ,iyi mvura yamutwariye ubuzima bw’umwana we ,avuga ko ntanicyo yabashije gusigarana kuko ibyari mu nzu byose byangijwe n’imvura kuburyo kugeza kuri ubu acumbitse ku baturanyi.