Umwana agarutse mu rugo Kwizera Pierrot yamaze kumvikana na Rayon Sports arasinya uyu munsi

Ikipe ya Rayon Sports yamaze kumvikana n’umikinnyi wigeze kuyukinira Kwizera Pierrot, uyu mukinnyi ntagihindutse araza kusinya kuri uyu munsi wa gatanu tariki ya 28 Mutarama 2022.

Nyuma y’ibiganiro bigiye bitandukanye byahuje ampande zombi, uyu mukinnyi araza gutereka umukono ku masezerano ye mashya muri iyi kipe.

Kwizera Pierrot yari umukinnyi wa As Kigali aho yasoje amasezerano akanga kuyongera.

Amakuru dufite nuko uyu mukinnyi araza gusinya imyaka ibiri muri iyi kipe yambara umweru n’ubururu, gusa ariko araza guhabwa amafaranga y’igice ku yo yumvikanye niyo kipe.

Kwizera Pierrot yamaze gusezera  bamwe mu bantu bo muri As Kigali kandi uyu musore yamaze no kwimuka aho yari atuye I Nyamirambo.

Uyu mukinnyi yakinnye umukino we wa nyuma mu ikipe ya As Kigali ku munsi wejo hashize, ubwo batsundwaga na Etoile de l’Est ibitego bibiri ku busa.

Kwizera Pierrot araba abaye umukinnyi wa kabiri Rayon Sports isinyishije muri uku kwa mbere nyuma yo gusinyisha Musa Esanu wavuye mu gihugu cya Uganda.