Umuzamu wa Rayon Sports Kwizera Olivier yagarutse mu kibuga nyuma y’igihe kitari gito atagaragara mu kibuga

Umuzamu wa Rayon Sports Kwizera Olivier yagarutse mu kibuga nyuma igihe kitari gito atitabira imikino ya shampiyona.

Uyu muzamu yagarutse mu kibuga mu mukino ikipe ye ya Rayon Sports yahuragamo n’ikipe ya Etiencelles Fc.

Ku wa 22 Nyakanga nibwo Kwizera Olivier yafashe icyemezo cyo guhagarika umupira mu gihe cyitazwi.

Nyuma yo kumara iminsi 21 afashije icyo cyemezo, Kwizera Olivier yatangaje ko yisubiyeho ku cyemezo cyo guhagarika umupira yari yarafashe.

Tariki ya 6 Nyakanga 2021, Kwizera Olivier yari yakatiwe n’Urukiko umwaka usubitswe kubera guhamwa n’icyaha cyo gukoresha ikiyobyabwenge cy’urumogi, akaba yari yaratawe muri yombi tariki ya 4 Kamena 2021.

Kwizera Olivier yazamukiye mu Isonga FC, akayikinira hagati ya 2011 na 2013, yamenyekanye cyane ubwo yakiniraga APR FC hagati ya 2013 na 2016.

Kuva 2016 kugeza 2017 yakiniye ikipe ya Bugesera FC, yayivuyemo yerekeza muri Free State Stars yo muri Afurika y’Epfo, batandukanye mu ntangiriro za 2019, mu Kuboza 2019 asinyira Gasogi United amezi atandatu ayivamo ajya muri Rayon Sports.