Ikipe ya Rayon Sports igiye gusinyisha umwataka mushya ukomoka muri Cameroon

Ikipe ya Rayon Sports igiye gusinyisha umwataka mushya uvuye mu gihugu cya Cameroon avukamo.

Mael Dindjeke ukomoka muri Cameroon ni we mukinnyi ikipe ya Rayon Sports igiye gusinyisha mu minsi iri imbere nk’uko bigenda bitangazwa.

Amakuru ahari avuga ko uyu mukinnyi ashobora gusinya umwaka umwe muri iyi kipe yambara umweru n’ubururu.

Uyu musore w’imyaka 23, yakinaga mu ikipe ya PWD Bamenda yo mu majyepfo ya Cameroon.

Mael Dindjeke akaba ategerejwe i Kigali ku mu goroba wo kuri uyu wa wa gatatu tariki ya 19 Mutarama 2022.