Umuzamu Ndayishimiye Eric ‘Bakame’ wari umaze amezi 6 ari umushomeri yamaze gusinyira ikipe nshya izamufasha kongera guhamagarwa mu Amavubi

Umuzamu Ndayishimiye Eric ‘Bakame’ yamaze gusinyira ikipe ya Bugesera FC amasezerano y’amezi atandatu azarangirana n’umwaka w’imikino wa 2022-2023.

Uyu muzamu ufite ubunararibonye bukomeye muri shampiyona y’Icyiciro cya Mbere mu Rwanda, yari amaze amezi arenga atandatu nta kipe afite nyuma yo gutandukana na Police FC mu mpeshyi y’umwaka ushize.

Amakuru YEGOB yamenye ni uko Ndayishimiye Eric ‘Bakame’ yamaze gushyira umukono ku masezerano yo gukinira Bugesera FC, akaba agiye kuba umuzamu wa mbere muri iyi kipe yari isanganywe umuzamu Nsabimana Jean de Dieu bakunze kwita Shaulin.

Ndayishimiye Eric ‘Bakame’ yakiniye amakipe atandukanye arimo ATRACO FC, APR FC, Rayon Sports, Sofapaka FC yo muri Kenya, AS Kigali na Police FC.