YegoB
Ku munsi w’ejo ikipe ya Real Madrid yari yerekeje mu Budage ku kibuga Signal Iduna Park aho yari yagiye guhura n’ikipe ya Borrusia Dortmund, icyagaragaye rero nuko Zidane n’abakinnyi be batabashije gutsinda umuvumo wo kuri icyo kibuga.
Ku isaha ya saa mbiri n’iminota 45 ku masaha ya hano I Kigali nibwo umukino watangiye. Ikipe ya Real Madrid ikaba yagiye ku kibuga cya Dortmund iri ku rwikekwe nyuma yo kunganya imikino 2 ikurikiranye muri La Liga naho Dormund yo yari ifite icyizere cyinshi kuko yari imaze gutsinda ibitego 21 mu mukino 4 gusa ya Championat.
Mu mukino waranwe n’ishyaka ryinshi Cristiano Ronaldo akaba ariwe wigaragaje bwa mbere afungura mazamu ku munota wa 17 w’umukino kuri contre attack yakozwe neza n’abakinnyi ba Real Madrid. Rutahizamu wa Dortmund,  Pierre-Emerick Aubameyang akaba yaje kwishyura icyo gitego ku munota wa 43 w’umukino ku ikosa ry’umuzamu Keylor Navas.
Mu gice cyakabiri Dortmund yaje yotsa igitutu Real Madrid aho umwana ukuri muto witwa Ousmane Dembele yari yazengereje umusore witwa Danilo gusa amashoti yose Dembele yeteye yagiye yinyurira hejuru yizamu ari nabyo byaje gutuma asimbuzwa. Ikipe ya Real Madrid yaje kubona igitego cya kabiri ku munota wa 68 w’umukino cyatsinzwe na Varane ku mupira mwiza Cristiano yari ahinduye kuruhande rw’ibumoso maze Benzema atawutera ku mutambiko wizamu uguhita widunda imbere ya Varane wahise atsinda mu izamu ririmo ubusa.
Dortmund rero ntiyacitse intege yakomeje gusatira Real Madrid ku buryo bukomeye ibifashijwemo n’umusore Shuerrle ndetse na Mor. Mu gihe abafana ba Real Madrid bari batangiye kwibwira ko batsinze umuvumo wok u kibuga cya Dortmund, Andre Schuerrle yaje kubona igitego cya kabiri cya Dortmund ku munota wa 87 w’umukino, maze match irangira ityo.
Kugeza ubu rero Real Madrid ikaba itarabasha narimwe kuba yatsindira Dortmund ku kibuga cyayo mu mikino 4 yose bahakiniye.
Hagati aho Real Madrid ikaba imaze imikino 23 yose idatsindwa mu matsinda ya Champions League.
https://www.youtube.com/watch?v=vClugY-ZD8M
