Umutoza wa Manchester City yifatiye ku gahanga umukinnyi w’umwongereza amwangira ko akina kubera umubyibuho ukabije yavanye mu gikombe cy’isi

Umutoza wa Manchester City, Pep Guardiola, yavuze ko Umwongereza ukina hagati mu kibuga, Kalvin Phillips, yavuye mu mikino y’Igikombe cy’Isi afite umubyibuho ukabije ku buryo akeneye kubanza gukora imyitozo yihariye.

Kalvin Phillips w’imyaka 27 ntiyifashishijwe ku mukino ikipe ye ya Manchester City yatsinzemo Liverpool mu mikino ya Carabao Cup wabaye ku wa Kane, tariki ya 22 Ukuboza 2022.

Umunya-Espagne Guardiola yasobanuye ko Phillips wageze muri Manchester City avuye muri Leeds muri Nyakanga 2022, atari yiteguye gukina.