Umutoza Haringingo Francis nyuma yo kwikanga umukinnyi waganirijwe na Mupenzi Eto’o yahise amukura mu bakinnyi Rayon Sports izakoresha ku mukino bazahuramo na APR FC

Umutoza Haringingo Francis Christian ntabwo yigeze ajyana Nishimwe Blaise ukina hagati mu kibuga bitewe n’uko yikanze ko yaba yaraganirijwe na Mupenzi Eto’o akamusaba kuzakina nabi ku mukino bazahuramo.

Ku Cyumweru tariki 12 Gashyantare 2023, shampiyona y’Icyiciro cya Mbere umwaka w’imikino wa 2022-2023 izaba yakomeje aho kuri Stade Mpuzamahanga y’i Huye ikipe ya APR FC izakira Rayon Sports.

Amakuru dukesha Radio Flash FM ni uko muri iki cyumweru bicyekwa ko Mupenzi Eto’o yahamagaye abakinnyi ba Rayon Sports abasaba kuzitsindisha, mu bacyekwa harimo Nishimwe Blaise akaba ari nayo mpamvu nyamukuru yatumye amusiga mu bakinnyi azakoresha.

Urutonde rw’abakinnyi 22 ikipe ya Rayon Sports yajyanye mu Karere ka Huye kwitegura APR FC

Hakizimana Adolphe

Ganijuru Elie

Mucyo Didier Junior

Mitima Isaac

Ngendahimana Eric

Mbirizi Eric

Musa Esenu

Joachiam Ojera

Willy Essomba Onana

Iradukunda Pascal

Ndekwe Felix

Mugisha Francois

Hertier Luvumbu Nzinga

Nkurunziza Felcien

Paul Were Ooko

Iraguha Hadji

Kanamugire Roger

Tuyisenge Arsene

Prince Rudasingwa

Twagirayezu Amani

Rwatubyaye Abdul

Hategekimana Bounheur

Rayon Sports iheruka gutsinda APR FC tariki 21 Mata 2019, icyo gihe yayitsinze igitego kimwe ku busa cyabonetse ku munota wa nyuma gitsinzwe na Michael Sarpong kuri penaliti nyuma y’ikosa Imanishimwe Emmanuel myugariro wa APR FC yakoreye kuri Mugisha Gilbert wari mu rubuga rw’amahina.