Ni agakobwa k’amaso mato,
N’amasoni atarasize na hato,
Kakureba ushaje ugasubira i buto,
Kagusekera ugashira ubute,
Ukagasanga ushishikaye cyane,
Kakuramutsa ukiruhutsa,
Kagusezera ukumva urashije,
Ukarara ukarota ijoro ryose,
Bugacya ugashaka inzira zose,
Wakabura ukarwara ukaremba,
Wakabona ukishima ukarenza,
Ugashima ubwiza bwako,
Ukajya usenga ngo kabe akawe.
Ndagakunda ariko kazansaza.
in urukundo
Umutoma W’umunsi: Ku wa 20/05/2023 – Ndagakunda ariko kazansaza…
Mizero Lambert
91.2k Views
Written by Mizero Lambert
Subscribe
Login
0 Comments
Oldest
