Umusore n’umukobwa bafowe baterera akabariro mu Kiliziya, bababaje abakunda Imana.

Abantu bazi akamaro k’inzu yo gusengeramo bababajwe cyane n’umusore n’inkumi bafotowe bakorera ibikorwa bigayitse kuri Alitari ya Kiliziya.

Ku mbuga nkoranyambaga hasakajwe amashusho y’umusore n’inkumi batereye akabariro kuri alitari ya Kiliziya ya Saint-Michel iri i Bree mu Mujyi wa Limbourg mu Bubiligi.

Urubuga news24 rwagaragaje ayo mashusho yerekana aba bombi bahimbawe muri iyo Kiliziya imaze imyaka idasomerwamo misa kubera ibikorwa byo kuyubaka.

Ernest Essers ukuriye Sosiyete irimo kuyubaka, yabwiye The Standard ko bamaze gutanga ikirego cyabo kuri polisi, iperereza rikaba ryatangiye.

Yagize ati “Birenze indangagaciro zikwiye kuranga abantu, kwiyubaha no gushyira mu gaciro.”

Amakuru avuga ko iyo Kiliziya yashyizwemo camera zicunga umutekano ku buryo bizorohera polisi kumenya abo bantu baje kuyikoreramo ishimishamubiri.